పల్లవి:ఇదిగో నేనొక నూతన క్రియను చేయుచున్నాను అ.. అ.. (2)
చరణం 1:అడవిలో త్రోవను జేసి - ఎడారిలో నదులను నేను
ఎల్లప్పుడు సమృద్ధిగా - ప్రవహింప జేసెదను
చరణం 2:నాదు ప్రజలు త్రాగుటకు - నేనరణ్యములో నదులు
సమృద్ధిగా పారునట్లు - సృష్టించెదను నేను
చరణం 3:అరణ్యములో జంతువులు - క్రూరపక్షులు సర్పములు
ఘనపరచును స్తుతియించును - దీని నాలోచించుడి
చరణం 4:నూతన సృష్టి గ నినుజేసి - నీ శాంతిని నదివలెజేసి
ననుజూచి మహిమపరచి - స్తుతిబాడ జేసెదను
చరణం 5:నేనే దేవుడనని దెలసి - నా కార్యములను నెరవేర్చి
ముందున్న వాటికన్న - ఘనకార్యములను జేతున్
చరణం 6:మరుగైన మన్నానిచ్చి - మరితెల్లని రాతినిచ్చి
చెక్కెదనా రాతిమీద - నొక క్రొత్త నామమును
చరణం 7:పరలోక భాగ్యంబులు - నరలోకములో మనకొసగెన్
కరుణా సంపన్నుడగు - మన ప్రభునకు హల్లెలూయ