పల్లవి:నేనే భయపడ వలదని పలికెను", "మన రక్షకుడు యేసు ప్రభూ (2)
చరణం 1:తన సమాధానము నీకిచ్చి - కృపల నెన్నో చూపెనుగా (2)
తనివితీరస్తుతి చెల్లించుము - తనదు ప్రేమా దయకొరకు (2)
చరణం 2:శాశ్వతంబగు జాలిజూపి - శాశ్వతరక్షణ నొసగి
విశ్వాసముతో నిలిచిన యెడల - శాశ్వత రాజ్యంబొసగు
చరణం 3:నరుడు కాడు దేవుడతడు - నరుడు ఆయెను నీ కొరకు
కరుణతో నిను రక్షించుటకు - సర్వమిచ్చెను శ్రీ యేసు
చరణం 4:మరణించెను ప్రభు నీ కొరకే - తిరిగి లేచెను కాపాడన్
త్వరగా వచ్చును కనిపెట్టుము - నిరతమాయన తోనుండ
చరణం 5:ఎంత పాపివైన నిలలో - చింత లేదిక నమ్మినచో
వింత రక్షకుడేసు ప్రభువు - స్వంత ప్రాణమునర్పించె
చరణం 6:నీ యాత్రలో బలమిచ్చుటకు - తనదు దేహ రక్తమును
ముదముతో అర్పించిన ప్రభుకే - హల్లెలూయా పాడుము